دنيا العنــــــا .....
صفحة 1 من اصل 1
دنيا العنــــــا .....
أشوف دنيا العنا طربه وفرحانه
ترقص على نبض حزن القلب وتموّل
تعجن عجين الهموم بوسط معجانه
من ضيمها شوف ! تـنـّور الحشا فوّل
عيني بدمع الضنا والهم غرقانه
وحزني بروحي مقيم وشكله مطول
قلبي من البين ضاق وتاه برهانه
كنه وسط حارة الافراح يتسول
والهم: بـيتن مخومس ثبّـت اركانه
في وسط جاشي ! وقال :الاول اتحول
تعبت أهيجن قهر! والروح تعبانه
يا فارس الحزن ! عن خيل العنا..حول
تتساءل الناس ليه( الشوق) حزنانه
كلن لحزني يجيب اسباب ويأول
وانا على ما مضالي حيييل شفقانه
لكنّ هيهات يرجع لي زمان اول
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى