عن اذنك برحل لدرب الغياااب اللي يناديني

استعرض الموضوع السابق استعرض الموضوع التالي اذهب الى الأسفل

عن اذنك برحل لدرب الغياااب اللي يناديني

مُساهمة من طرف كرويف في الخميس يوليو 03, 2008 11:59 am



على أمرك يابعد نبض الخفوق وهاجسي ومناي
مدامك ماتبي وصلي أنـا وش عـاد بيدينـي

أبحفظ مابقى لي من كرامه وأستحـث خطـاي
على درب الغيـاب وويـن مـاودى يودينـي

واذا هفهف على صدري هواك وحدني لاقصاي
دعيت الله يطمن فـي بعـادي قلبـي وعينـي

وطلبته مثل مامكـن غـلاك وثبتـه بحشـاي
يشيله من معاليقـي قبـل لا الوجـد ينهينـي

ولعلمك لو عرفت إني أبثني عزمك برجـاوي
أمـوت ولا ترجيتـك وقلبـك بايـرٍ فيـنـي

لو انك قلتها تبغـى تشـوف معزتـك جـواي
أو انك قلتها ساعـة زعـل والذنـب كاسينـي

لاأجيك بكل حيلاتي من ايام الصبـا لتـلاي
وأشري رضاك لو كان المقابل باقـي سنينـي

ولكن مالمسته بك قتل حتـى العتـب بشفـاي
غرام ٍ مات في عينك علـى فرقـاك يغرينـي

حسافه كنت احسب انك تقدر طيبتـي ووفـاي
وعلى اقل احتمال تراعي اللـي بينـك وبينـي

توقعت إنك أخلص من عرفت وشفت في دنياي
أشك بكـل مـن حولـي ووحـدك ماتخلينـي

طلبت البعد في وقت أبيك تكـون بـه يمنـاي
بعد ماجارت ايامـي علـي وحـارت يدينـي

ولا يخفاك لوعات الليالـي وماحصـل ويـاي
ولو مافي يدك حاجـه جـودك كـان يكفينـي

توفي لو بعض دينك إلين آقف علـى ماطـاي
لعل يكون لي صبـر ٍ علـى الفرقـا يقدينـي

على كل حال ماينفع كلامي لـك ولا شكـواي
عن اذنك برحل لدرب الغيـاب اللـي ينادينـي

كرويف
Admin

عدد الرسائل : 171
العمر : 26
تاريخ التسجيل : 30/06/2008

معاينة صفحة البيانات الشخصي للعضو http://al-ahlaam2010.yoo7.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى